Во просториите на СОУ “Таки Даскало“ – Битола се одржа работилница во рамки на проектот “НЕ за малолетнички бракови“, со цел да се подигне свеста за негативните последици од малолетничките бракови и да поттикне превентивни мерки преку едукација и поддршка.
-Проектот се фокусира на создавање здрави и безбедни средини за младите, овозможувајќи им личен и образовен развој. Малолетничките бракови претставуваат глобален социјален и правен проблем кој сериозно влијае врз здравјето, образованието и иднината на младите. Преку вакви активности, проектот придонесува за градење на општество во кое младите можат да се развиваат без пречки и ограничувања, да ја градат својата иднина и да ги остваруваат своите потенцијали, вели Фатма Б. Аземовска од “Сумнал“.
