Хуманитарен Божикен маркет на Медицинското училиште Битола (фото)

Учениците со своите професори од Медицинското училиште “Д-р Јован Калаузи“ од Битола организираа хуманитарен кристмас маркет со цел да соберат средства за децата со посебни можности. Во текот на маркетот, кој беше одржан на 26 декември во спортската сала на училиштето, учениците презентираа свои креативни производи, вклучувајќи рачно изработени украси, декорации и слатки, кои беа понудени на продажба.Собраните средства беа донирани во една од институциите за деца со посебни можности, се донираа: 3 прочистувачи на воздух, 6 постелнини, 6 ќебиња и 6 перници за учениците во интернатот, 51 новогодишно пакетче за овие деца. Овој проект беше дел од иницијативата за развој на хуманите вредности кај младите и поддршка на локалната заедница.Организаторите се гордеат со успехот на настанот, кој ги поттикнал учениците да се вклучат во активност која има за цел помош на оние на кои им е најпотребно.Благодарение на нивната посветеност и солидарност, овој хуманитарен маркет беше значаен чекор во создавањето на едно поопштествено и емпатично опкружување.