Стиховите на безвремениот евергрин на славниот холивудски актер и забавувач, Дин Мартин, најдобро го отсликуваат денешниот снег кој заврна Битола, кој во нашиот град започна да врне некаде раните утрински часови, а во 18 часот снежната покривка изнесува 20 сантиметри.
Времето надвор вечерва асоцира на престој во топол дом, сепак малкумина битолчани уживаа по снегот попладнево, на самракот, кога и се снимени фотографиите.
Широк Сокак од саат кулата со паркот, кај “Магнолија“, по Широк Сокак, преку Камен мост, се до Офицерски, прекрасен, со снежна идила со бои на “поларна светлина“. Оваа сјајна снежна магија со снегулки кои “играат“ низ воздухот… се совршено, за фотографирање.
И на крај само ќе ги додадеме стиховите од романтичниот евергрин, кој совршено се вклопува во амбиентот надвор вечерва на полноќ. 
Oh, the weather outside is frightful
But the fire is so delightful
And since we’ve no place to go
Let it snow, let it snow, let it snow…
Слушајте си го хитот и уживајте во снегот кој паѓа надвор.
