“Verbumlandiart Aps“ од Лече, Италија и Универзитетската библиотека од Битола потпишаа Меморандум за соработка (фото)

Членови на организацијата “Verbumlandiart Aps“ со седиште во Галатоне, провинција Лече, Италија деновиве престојуваат во Битола и во рамките на посетата, меѓу другите активности ја посетија и Универзитетската библиотејата “Св. Климент Охридски“ во Битола.Директорката Емилија Стефановска Давкова, која во присуство на вработените официјално им се обрати на италијанските гости, посакувајќи им добредојде и изразувајќи отвореност за нови културни размени и партнерства.На средбата се потпиша Меморандум за соработка помеѓу НУУБ „Св. Климент Охридски“ – Битола и Здружението на писатели „Вербумландиарт“ од страна на м-р Емилија Стефановска Давкова – директор на НУУБ „Св. Климент Охридски“ – Битола и Реџина Реста – претседател на “Verbumlandiart Aps“.Во знак на благодарност за гостопримството и поддршката на културата, директорката Стефановска Давкова беше одликувана со почесна диплома од страна на “Verbumlandiart Aps“, признание кое ја потврдува нејзината посветеност во промовирањето на меѓународната соработка.“Verbumlandiart Aps“ е промовирана и координирана од Реџина Реста – претседател на здружението и позната италијанска поетеса, добитничка на медал на поезијата во Рим, во придружба на Грофицата Мирјана Добрила – писател и преведувач, Гофредо Палмерини – новинар и поранешен претседател на општина Аквила, Марија Пиа Туриело – криминолог, член на Парламентарната комисија за малолетници, Мирела Кристина – адвокат, публицист и сенатор, член на Комисијата за правда и Зорица Митиќ – писател и актерка.