Синоќа се одржа втората фестивалска вечер од фестивалот “Хармониките 2025“ кој се одржа во Офицерски дом во Битола на кој настапија ветераните на хармониките.
Ова беше 10. јубилејно издание на фестивалот за кое организаторот Сашко Савевски рече дека е успешно и дека овие два вечери го потврдија квалитетот на фестивалот, а на кој во изминатиот период настапија најголемите виртуози на хармоника во Македонија, а битолчани имаа прилика да видат и хармоникаши од странство.
На втората фестивалска вечер во Офицерскиот дом настапија Зисо Пуровски – професор во средно музичко училиште во Битола, Дарко Илиевски – уметнички раководител на “Танец“, Кирил Стојчевски – уметнички директор на „Хармониките“ и професор во ДМУ во Битола, Сашко Велков – двократен шампион во Сокобања, Давид Велков – шампион во Аранѓеловац, Србија, Димитар Митровски – студент на ФМУ во Скопје и Јове Кекеновски професор д-р – трикратен шампион во Сокобања.
Присутните за време на двете фестивалски вечери имаа исклучителна можност да уживаат во одличен амбиент со реномирани хармоникаши.
Организаторите, поделија и благодарници на лица и компании кои со својата помош и настапи помогнале фестивалот да истрае 10 години и од година во година да е се поуспешен.
Текст и фото: Дамијана Ристевска
