Фото-изложба на Атанас Нашоку – Саку и “Класична бајка со Кристијан Антовски“ во Офицерски

Вечер со почеток во 19,30 часот во Офицерски дом во Битола свечено ќе биде отворена изложбата на фотографии на битолскиот фото-мајстор, Атанас Нашоку – Саку од Битола.  Тоа ќе биде ретроспективна изложба која низ објективот на еден сведок, во случајот, битолчанецот Саку,  ја раскажува магијата на првите децении на фестивалот “Илинденски денови“. Изложбата е насловена “Фотоспоменар ИЛИНДЕНСКИ ДЕНОВИ 1973–1983“.Вечерва од 21:00 часот, во Офицерскиот Дом, во рамките на програмата на Битолското културно лето, ќе прозвучи една убава “Класична бајка со Кристијан Антовски“. Бајковитата музичка приказна ќе биде раскажана од оперскиот уметник Кристијан Антовски преку неговата претпознатлива вокална драматика во гласот, заедно со пијанистката Елена Силјановска која ќе го придружува со своите раскошни ноти на пијаното кои секогаш ги носи на еден посебен и специфичен начин.  Оваа класична бајка ќе биде спој на повеќе епохи и изведба на композиции напишани од најголемите класични композитори од целиот свет, така и од Македонија, како Ш.Гуно, П.И.Чајковски, Г.Ф.Хендл, С. Христиќ, Т. Прокопиев и други.