Синоќа во Офицерски дом во Битола беше отворена изложбата на фотографии на битолскиот фото-мајстор, Атанас Нашоку – Саку од Битола, “Фотоспоменар Илинденски денови 1973-1983“, фотоспоменар за едно време, за љубовта кон традицијзата, за стремежот за вечен тек на уметноста расцутена во традицијата.
Изложбата е ретроспективна, а низ објективот на еден сведок, во случајот, битолчанецот Саку, ја раскажа магијата на првите децении на фестивалот “Илинденски денови“. 
Тони Гламчевски зборувајќи како уводничар на свеченото отворање рече:
–Од денес до предвечерието на Илинден – големиот празник на македонскиот народ, Битола и битолчани се домаќини на 70 фестивалски настани: како промоции, изложби, семинари, каравани, улични настапи и концерти, Четвртото издание на Интернационалниот етнографски филмски фестивал, и се разбира срцето на „Илинденски“ Републичкиот фестивал на народни песни и игри „Илинденски денови“. Вечерва сме тука во свечената сала на Офицерскиот дом, во чест на отворањето на изложбата на Атанас Нашоку Саку “Фотоспоменар Илинденски денови 1973-1983“. Можеме да речеме дека фотографиите кои вечерва се изложени, низ објективот на еден фотоапарат и вештината на овој фотограф ни прикажуваат само дел – десет години од 55 годишната ризница на Илинденски денови, портрети на учесници, моменти од сцената. Саку е еден од култните битолски ликови, кои оставиле и се уште остава траен белег во историјата на нашиот град и неговата уметност.
Едноставно, јасно, брилијантно чисто, запрената слика, за којашто чувствувате како да тече, го чува чекорат на орото, везот на носијата, емоцијата на ликовите запишана во зборот на телото и топлината која како да извира погледите на игроорците, музичарите и вокалните интерпретатори.
За изложбата и авторот зборуваше м-р Валентин Соклевски кој кој и ја прогласи изложбата за отворена:
-Човекот како хомо сапиенс живеел создавајќи или создавал живејки. Врвните вредности на вековното творештво низ природна селекциа си го најдоа патот до денешнината. Фестивалот “Илинденски денов9“ низ 55- годишното креативно егистирање создаде цена на која духовните и материјалните вредности автентично се реактуелизираат од страна на луѓето кои го посветиле своот живот во чување, негување и афирмација на традицијата. Атанас Нашоку – Саку низ каледоскопот на соствениот талент, стручност и уникатно чувство за истакнување на вредносната убавина со своот фотоапарат, создаде фотоспоменар за едно време, за љубовта кон традицијзата, за стремежот за вечен тек на уметноста расцутена во традицијата.
Авторот, како и секогаш кога се отвораат негови изложби, и овој пат не им се обрати на присутните, туку остави фотографиите да зборуваат.
Атанас Нашоку – Саку е роден 1946 година во Битола, арт фотограф, од 1980 година член на ДУМ – применета уметност – фотографија, има издадено 13 фотомонографии, реализирал 10 самостојни изложби, 20 години ги овековечувал театарските претстави и повеќе од една деценија создавал фотографски споменици од традиционалните убавини презентирани на фестивалот “Илинденски денови“Мод каде создаде фотографии навезени со традиционална убавина кои денес ни ги подари нам, а од утре ќе ги преземе вечноста како наследство за идните генерации.
-Со својата духовна широчина Атанас Нашоку – Саку како никогаш да не сакал себеси да се ограничува само во одредена област, туку сакал своата духовност да ja прошири на разни полиња вклучувајќи го тука и уметничкото и креативното во него. Неговата љубопитност го натерала да трага по предизвиците на магичното што ги носи фотографијата и уметничкото длабоко скриено во неа и како скриена љубов и како авантура. За него фотографијата како да е мала галаксија, волшебна планета на скриените тајни на една поинаква вистина, свет што го маѓепсал и го одредил неговиот уметнички сензибилитет лабоко да ја допре душата на гледачот и фундаментално како да сака да му докаже дека постои поинаков поглед на светот. Фотографиіата, за ово мајстор на фотографизата е одраз, но и негов препознатлив израз, ќе напише Панде Манолов во неговиот труд “Небесната галаксија од фотографии на Атанас Нашоку – Саку“ објавен на Научен собир“Битолските фотографи и битолските фотоателја“ во 2014 година и ќе заврши.
-Фотографиите на Атанас Нашоку – Саку не можат да се наречат продукција на времето кога го овековечувал мигот на живата или мртвата природа, туку тие се уметнички фотографии полни со уметничка бескомпромисност, шарм и оригиналност. Секогаш иновативни, збруват за се…, а тоа и се докажа на неговата последна фото изложба во Битола.
Текст и фото: Дамијана Ристевска
