ЈКП “Водовод“од Битола, со известување за потрошувачката на вида и со апел до битолчани да се користи рационално водата за пиење.
-Ги информираме сите корисници дека поради високите температури, потрошувачката на вода во водоводниот систем на ЈКП “Водовод“ – Битола е драстично зголемена и надминува 700 литри во секунда. Како резултат на тоа, притисокот во системот е намален, што предизвикува проблеми со водоснабдувањето, особено на критичните и повисоките делови од градот.
Апелираме до сите корисници за рационално користење на водата, односно да се користи само за основни потреби : Пиење, лична хигиена и готвење.
Исто така, ги потсетуваме граѓаните што живеат во висококатници да ги користат своите хидрофорски постројки за обезбедување соодветен притисок.
Ви Благодариме на разбирањето и соработката, ЈКП “Водовод“ – Битола.
