Во пресрет на еден од најголемите музички настани ова лето на подрачјето на Битола, кој ќе се одржи во недела на 3 август на стадионот „Петар Милошевски “во Битола, каде се очекуваат илјадници фанови да уживаат во електронската магија на светската музичка икона – Армин Ван Бјурен, СВР Битола упатува апел до возачите :
-Заради големата фреквенција на луѓе и возила на подрачјето на Битола, ги замолуваме граѓаните на Битола да се воздржат од управување на своите патнички возила тој ден , а особено ноќта на спектаклот. Исто така, упатуваме апел до сите возачи учесници во сообракајот да ги почитуваат посебните сообраќајни правила и да ги следат насоките на полициските службеници за паркирање.
Да бидеме сите совесни возачи, да бидеме сите хумани кон нашите сограѓани и да се воздржиме тој ден од управување на моторни возила со цел непречено одвивање на сообраќајот и реализација на настанот.
