Речица – Топ гол 3:5 (1:3)
На тешкото гостување во Речица, во рамките на 3. коло од ПФЛ за жени, Топ гол ја совладаа истоимената екипа на Речица со висок резултат од 5:3, а на полувреме 1:3.
Со хет-трикот на Милевска и атрактивните погодоци од корнер на Стефановска и слободен удар на Стојчевска битолчанки ги прокнижаа првите бодови на нивното салдо.
-Огромна победа за нас, и честитки кон девојките за борбената и пожртвуваната игра за време на целиот натпревар. Водството го контролиравме до самиот крај на натпреварот, а ќе треба да поработиме во иднина и на дефанзивните моменти. Оваа победа ќе ја зголеми самодовербата и тимскиот дух кај нас, изјави Кире Грбевски тренерот на Топ гол.
Следниот натпревар Топ гол го пречекува шампионот Љуботен во Битола.
