Во Библиотеката промоција на необјавени дела од Васил Иљовски

Во просториите на НУУБ „Св. Климент Охридски“ – Битола се одржа промоцијата на необјавени дела од легендарниот Васил Иљоски, а настанот беше посветен на книгата „По трагите на македонскиот непребол“, која содржи необјавена драма „Смрт за живот“ и необјавена поезија од Иљоски.Приредувач беше Валентин Тасески, а промотор м-р Марија Трифуновска Тасеска,  рецензенти на делото се Билјана Котевска – Димко и Никола В. Ристевски.Свое обраќање имаше и м-р Емилија Стефановска Давкова, директор на НУУБ „Св. Климент Охридски“ – Битола, која ја истакна важноста од негување на литературното наследство и од ставен акцент врз делата што дури сега ја добиваат својата вистинска светлина.Учениците од СОУГ „Јосип Броз Тито“ – Битола под менторство на професорката Николина Ѓуровска изведоа делови од драмата и поетски фрагменти, носејќи ја сценската емоција која ретко кого остави рамнодушен.Особено емотивен беше говорот на внукот на Иљоски – проф. Јован Налбанти, кој ни пренесе дел од човечноста, достоинството и духовната големина што го краселе овој наш великан.