-Со пригодна свеченост откриен муралот на австралискиот уметник Финтан Скот Меги во центарот на Битола по повод 30 години билатерални односи помеѓу Македонија и Австралија.
Австралискиот амбасадор Н.Е. Петер Трасвел, кој заедно со почесниот конзул на Австралија денеска беше во Битола, каде свечено беше откриен муралот кај некогашната стоковна куќа во Битола.
-Фантастично е што сум тука, посебно ми е драго што се запознав со градионачалникот на Битола, Тони Коњановски. Тука со нас е еден од најдобрите уметници за мурали во Австралија. Овој мурал што го гледате позади нас, кој сеуште не е довршен, ќе има разни симболи на Македонија и на Австралија и токму ќе го претставува она што треба да ги одразува односите меѓу нашите две земји, рече во своето обраќање амбасадорот Петер Трасвел.
Градоначалникот Тони Коњановски ја искажа благодарноста и честа прв пат со амбасадорот да се запознаат токму на овој настан.
-Овој мурал изработен од еден од најпознатите уметници го промовира и претставува пријателството помеѓу Австралија и Македонија, цврстите врски, со оглед на тоа што имаме огромна дијаспора која секоја година се почесто за среќа доаѓа тука, се враќа во татковината и ова ќе биде уште еден симбол на цврстото пријатество меѓу двете земји, токму на 30 годишнината од воспоставувањето на дипломатските односи, рече Коњановски.
Уметникот Финтан Скот Меги пред да го направи овој мурал во Битола, има направено мурали во многу европски и светски земји.
-Јас сакам преку муралот, преку предмети да ги раскажам приказните кои што луѓето ги доживувале кога доаѓале во Австралија. Сите предмети на муралот ќе ги одразуваат пријателските односи меѓу луѓето, рече австралискиот уметник.
Коњановски рече дека ова е добра идеја да продолжиме и натаму и со мурали да си го разубавуваме градот.
На отворањето на муралот присутвуваше и пратеничката во Македонскиот парламент Олга Лозановски, министерот за за дигитална трансформација Стефан Андоновски, претседателот на Советот на Општина Битола – Бојан Бојковски, секретарот на Општина Битола – Борче Димитровски, советници…
Заедничкото дружење продолжи во Пионерски дом во срдечен разговор на разни теми.
Фото: Дамијана Ристевска
