Успешно реализирана крводарителска акција во фабриката “Кромберг и Шуберт“ – Битола (фотогалерија)

Вчера за прв пат Службата во Центарот за транфузиона медицина – Битола во соработка со  Црвен крст Битола  реализира крводарителска акција во  фабриката “Кромберт и Шуберт“  која се покажа исклучително успешна и хумана уницијатива. Акцијата наиде на голем одзив кај вработените кои со висок степен на одговорност, хуманост и заинтересираност ја поддржаа оваа благородна активност.-Благодарение на нивната несебичност и подготвеност да го помогнат беа собрани 130 крвни единици, што претставува значаен придонес за обезбедување на неопходните крвни резерви и спасување на човечки животи.Посебно радува фактот што ова беше прва ваква соработка со фабриката “Кромберг и Шуберт“ која на самиот почеток покажа високо ниво на организација, дисциплин и искрена желба да се учествува во крводарителса акција.Вработените уште еднаш потврдија дека хуманоста и благодарноста се темелни вредности во нивната работна средина, рече д-р Маргарета Јолевска, спец. транфусиолог, раководител на ЦТМ Битола и додаде:-Центарот за транфузиона медицина – Битола изразуваат голема благодарност до раководството и до сите вработени во “Кромберг и Шуберт“ за поддршката, гостопримството и хуманоста. Се надеваме дека оваа успешна акција ќе прерасне во убава традиција и дека соработката ќе продолжи и во иднина.