Деновиве пред 10 години: девет виолини од битолските лајонси за Музичкото училиште во Битола (фото)

-Новогодишните и Божикните празници се денови на дрување, на хуманост… а тоа се случи и во 2015 година кога во Државното музичко училиште во Битола, битолските лајонси ги предадоа на користење на училиштето деветте виолини кои се купени со средства собрани од хуманитарниот Црно-бел бал, што традиционално се одржа во Битола, започна со своите сеќавања Димче Миновски, хроничар на Битола и доајен на битолското новинарство.-Донацијата оправдано е за едно од најстарите музички училишта во Република Македонија, основано во 1945 година. Особено ни е мило што токму од Државното музичко училиште се произлезени најголемите музички таленти и популарни музички ѕвезди во Македонија кои ја афирмирале државата надвор од нејзините граници, рекоа тогаш од  Лајонс клубот од Битола.Донираните виолини беа со различна големина и тоа: двочетвртински, трочетвртински и
четворочетвртински.-Ние од Музичкото училиште на донаторите од Лајонс клубот од Битола ќе им возвратиме на најубавиот начин, преку музиката. Музичките инструменти стареат, неопходна е постојана обнова и токму затоа се за поздравување ваквите убави гестови од нашите сограѓани, река тогап, во декември 2015 година од Државното музичко училиште.