-Како се наближува новогодишната ноќ така и се загрева новогодишната атмосфера во Битола, а вечерва по студено време за тоа се погрижија “Деспина“, “The Groove“ и Ѓоко Танески на 10. ден од Зимската приказна, на платото пред Офицерски.
Вечерта на главната сцена ја отвори “Екстра бенд“, па следуваа група “Деспина“, групата “The Groove“ и за крај Ѓоко Танески.
Понеделнички во старата чаршија на пладне настапија битолските групи “Амалија“, “Конзули“, “Модус бенд“ и Чапче и Тајфата. Новогодишниот концерт на Државно музичко училиште се одржа во големата сала на Центар за култура, а “Stefanija Jazz “ ќе имаа концерт во Пионерски. Детски театарски претстави “Новогодишна ноќ“ и “Снежна бајка“ се изведоа во “Bliss Mall“, а “вртеше“ и празничен автобус каде музика “пушташе“ “DJ Berryquat“.
Утре 11. ден Зимската приказна ќе започне во Офицерски дом каде ќе биде “Гимназиска зимска приказна 4“.
Вечерната програма ќе започне со новогодишна караоке соба, а ќе продолжи со концер на група “Фонтана“, а ќе настапи и Ламбе Алабаковски и група “Б52 бенд“.
Исто така ќе има музика и во Старата чаршија, на пешачката улица за пладневна забава на битолчани ќе се погрижат групите “Бон Тон“, “Спектра“, “Молика и “Артриум бенд“.
Танцов перформанс на “Expose Studio“ ќе има во “Bliss Mall“, а таму ќе биде и DJ Милојевиќ (Bliss Mall).
Во редовната линија на празничен автобус музика “ќе пушта“ DJ Боца.
Текст и фото: Дамијана Ристевска
