На втората фестивалска вечер на 9. по ред “Џез фактори фестивал“ кој се одржува во Битола сцената на големата сцена “Благој Стефановски – Баге“ првиот термин беше резервиран за настапот на “Tribevibers – Blal Ljujić Pierre“ од Франција.
Од 21 часот следува настапот на Gent Rushi Trio од Албанија, а поради откажани летови во Битола не допатува Mattan Klein од Израел. 
Од 22 часот во “Pub Bourbon Street“ во Битола настапува Aleks Jazz Quartet.
Во Скопје “Audiokultura“ е домаќин на австрискиот состав “Oststyrian Rhythm Section“, а ќе се одржи и промоција на книгата на Благојевиќ.
“Jazz Factory Festival 2026“ посветува особено внимание на едукацијата, соработката и културната размена, обединувајќи млади таленти, етаблирани уметници и професионалци од индустријата. Преку мастер класи, детска програма и конференции, фестивалот активно придонесува за развојот на џез сцената во регионот, како и културната децентрализација во Македонија.
Утре, 17 април ќе има “Jazz Factory for Kids“ во Europe House Битола, и мастер клас на Lukas Meissl од Австрија.
Утре, во НУ Народен театар Битола ќе биде доделена наградата “Гоце Димитровски“ на Христијан Ристески, а ќе настапуваат “Voice and Bass“ од Унгарија и “Oststyrian Rhythm Section“ од Австрија.
Сашо Ристевски
