Во Битола грандиозно отворање на Пијанофест 2026 

Со незаборавна музичка вечер во Битола свечено беше отворено осмото издание на Пијанофест 2026, во организација на Здружението на пијанисти и музички педагози „Пијано Битола“.На сцената настапија:  НУ Камерен оркестар – Битола и солистите Јане Петровски и Ема Попивода на пијано.Под диригентската палка на врвни уметници и со извонредна енергија на изведувачите, вечерта донесе силни емоции и вистинско уметничко доживување кое ја воодушеви публиката.Пијанофест и оваа година обединува млади таленти, врвни уметници и љубители на класичната музика од 12 држави: Македонија, Германија, Бугарија, Србија, Хрватска, Словенија, Грција, Албанија, Косово, Кипар, Кина и Ерменија.Сето ова “Пијано фест“ го прави еден од најзначајните и најпрепознатливи меѓународни натпревари во регионот.