Кадетите на Пролет први, Еурофарм Пелистер третопласирани на “Ф4“ кој се одржа во Битола (фото)

Битола беше домаќин на кадетскиот Ф4 турнир за шампион на Македонија, кој помина во одлична атмосфера, а многубројната публика уживаше во ракометната игра што ја прикажаа кадетите на Еурофарм Пелистер, Мулти Есенс, Пролет и Охрид.Целодневен ракометен спектакл во организација на Еурофарм Пелистер, каде можеше да се види иднината на македонскиот ракомет, а екипата на Пролет повеќе од заслужено ја освои титулата и е кадетски шампион на Македонија. Тимот на Еурофарм Пелистер по поразот во полуфиналето, во борбата за третото место ја совлада екипата на РК Охрид и го освои бронзениот медал. Ова беше трет триумф во оваа сезона над Охрид и победнички крај на Ф4 турнирот.Со контрола на резултатот во текот на целиот натпревар, избраниците на Фарук Мемик и Кире Митревски стигнаа до рутинска победа и заслужен бронзен медал.Она што посебно радува е што Еурофарм Пелистер е единствениот тим на турнирот составен целосно од Битолчани, деца кои растат и се развиваат во нашата школа, а настапи во состав: Паковски и Мацанковски (голмани), Дуковски, Кочанов, Кебаковски, Велановски 15, Спировски, Марковски 1, Миалчев 6, Бочевски, Здравковски, Бундалевски, Никодиноски, Василевски 5, Георгиев 4, Симоновски 9.Младиот пивотмен и од наредната година член на Еурофарм Пелистер 2, Јован Симоновски, беше избран меѓу најдобрите седум играчи на турнирот.