Започна изградба на пречистителна станица во село Добромири

Започна изградбата на уште еден голем и исклучително значаен проект за жителите на село Добромири – пречистителна станица, изградена според најсовремените стандарди за заштита на животната средина. Со реализацијата на овој проект ќе се заокружи целокупната изградба на канализационата мрежа во селото, обезбедувајќи современо, безбедно и еколошки одржливо решение за третман на отпадните води.Овој проект е од особено значење бидејќи придонесува за заштита на природата, зачувување на квалитетот на почвата и водите, подобрување на јавното здравје и создавање поквалитетни услови за живот на сегашните и идните генерации. Средствата за реализација на проектот се обезбедени од Буџетот на Општина Новаци, која продолжува со инвестиции во капитални проекти што директно го подобруваат животот на граѓаните и придонесуваат за одржлив развој на сите населени места.