Завршна конференција, спорт без бариери, современи методологии, практики и можности за инклузивен спорт

Во Битола се одржа завршната конференција од проектот на Европслата унија „NO1BEHIND“  или „НИКОЈ ЗАД“ кој има за цел да се зголеми учеството на децата и младите со попреченост во спортот, да не остави никој зад себе и паралелно да промовира активен начин на живот за порамноправни општества каде што секој може да го достигне својот целосен потенцијал. Координатор на проектот е Гордана Цветковска Бошевска – Центар за активни млади – Битола во партнерство со организации кои работат со млади со попреченост од Шпанија и Португалија.На конференцијата беше презентиран Прирачник со искуствата и препораките на сертифицираните тренери за спорт со попреченост од проектот и истиот ги содржи основните практични методолоогии, принципи, адаптации и примери што можат да се применат во различни спортови и физички активности за лица со различни видови на попреченост.Конференцијата предизвика големо внимание кај децата и кај родителите со деца со попреченост и истата беше посетена од 85 лица.Преку овој проект за спорт без бариери се реализираа обуки насочени кон вклучување на деца со помалку можности, обука за тренери и истите беа насочени кон создавање можности за размена на најдобри практики, градење компетенции и поттикнување на иновативни идеи во врска со мерките за инклузија.Организаторот на настанот истакна дека преку него сакаат да понудат лесно достапни рекреативни активности за деца и лица со попреченост, активности што ги охрабруваат да бидат активни и што внесуваат повеќе спорт и вежбање во нивното слободно време и дневна рутина. Целта е да се создаде трајно позитивно влијание врз заедниците и земјите каде што ќе се одвива проектот, со демонстрирање на колективна солидарност, емпатија и поддршка за луѓето што живеат таму.