Битола ќе биде домаќин на одбележувањето на 25 години од формирањето на Единицата за брзо распоредување (ЕБР), а вежбовни активности ќе има на 19 и 20 август 2026 година, со почеток од 16:00 часот на платото на Офицерскиот дом – Битола, каде граѓаните ќе имаат можност да проследат дел од професионалноста, подготвеноста и вештините на припадниците на ЕБР.
Централниот настан е на 22 август 2026 година со почеток од 18:00 часот на платото на Офицерскиот дом – Битола, каде ќе се реализира показна вежба на Единицата за брзо распоредување и каде граѓаните ќе можат одблиску да ја видат нивната обученост, тактичка подготвеност и професионално делување.
СВР Битола ја известува јавноста дека во наредните денови, припадници на Единицата за брзо распоредување ќе реализираат тактичко-показна вежба. Во рамки на вежбата можно е да се слушаат посилни звуци и детонации, кои се дел од планираните активности. Активностите ќе се реализираат согласно однапред утврден план и во услови на контролиран простор. Ќе има и надлетување од хеликоптер.
