Жителите на Општина Битола и денеска имаа можност на организираната втора форумска сесија со свои предлози да учествуваат во креирањето на Буџетот за 2027 година на Општина Битола.
Ваквите форуми не се обична јавна расправа, туку место каде граѓаните активно учествуваат во предлагањето решенија и утврдувањето приоритети. Со ова Општина Битола ја потврдуваме својата транспарентност и отчетност, преку отворена дебата за тоа како се планираат и трошат јавните средства.
Можеа да се слушнат многу предлози, меѓу кои за Старата чаршија, инвестиции во инфраструктурата, патна инфраструктура и чистење на канали во населени места во Општина Битола, санација на патот за Долно Оризари, патот во Поешево, како и потребата од отворање на Центар за средно образование на лица со попреченост. Меѓу темите на дискусија и сообраќајната студија и подготовката на Генералниот урбанистички план, кој е во фаза на изработка.
Тенденцијата е да се направи буџет по мерка на граѓаните кој откако ќе ги помине сите административни фази ќе се најде на комисиска расправа, а потоа и на седница на Советот на Општина Битола.
Општина Битола петта година по ред го организира Буџетскиот форум за креирањето на Буџетот.
