На државното првенство (национална програма) во стрелаштво со воздушна пушка, кое се одржа неодамна во Скопје, битолчанката Емилија Трајковска од стрелачкиот клуб “Јане Сандански“ е победник во во категоријата младинки. Трајковска стана државен првак откако погоди 328 круга.
И вториот стрелец од овој клуб Марин Апчевски постигна одличен резултат освојувајќи го второто место во категорија младинци со погодени 294 кругови.
-На ова државно првенство се претставивме скромно, но од резултатите кои ги постигнаа нашите стрелци, јас и сите членови на клубот, сме презадоволни. Имавме малку стагнација во клубот, но сега се надевам дека од натпревар во натпревар ќе бидеме подобри и ќе се појавуваме со поголем број на натпреварувачи-стрелци кои во клубот и во Битола ќе носат медали за освоени високи пласмани, ни рече Кочо Чака, претседател на стрелачкиот клуб “Јане Сандански“.
