Оваа година по 33. пат училиште “Св. Климент Охридски“ од Битола го прослави својот патронен празник. По тој повод се реализира посебна пригодна програма која беше поделена во два дела.Во утринската програма која се реализира во просториите на училиштето, стручните активи активно се вклучија во одбележувањето на Денот на училиштето преку ликовни работилници, музички и сценски настапи, пишување на пароли, видео презентации и спортски активности кои беа во склоп на мотото “Да си подадеме рака“.
Во вториот дел од одбележувањето на Патронатот во присуство на заменик градоначалникот на Општина Битола, претставници од Советот на Општина Битола, гостите од збратименото училиште “Григор Прличев“ од Охрид, поранешни и сегашни наставници, родители и ученици во преполната сала на Народниот театар во Битола.
Под раководство на своите ментори нашите ученици се претставија со свои точки, а на почетокот на приредбата директорот Предраг Созовски на сите им го честита празникот Св. Климент Охридски, а на учениците и наставниците и на сите вработени во училиштето им го честита патрониот празник.
На сцената свои точки имаа хорот и оркестарот на училиштето, драмската и балетската секција, рецитал, а публиката имааше можност да ги чуе и види наградените ученици од литературниот и ликовниот конкурс.
Сите учесници беа наградени со огромен аплауз од присутната публика што претставува мотив за и следната година достојно да го продолжиме делото на нивниот Патрон.
![](https://i0.wp.com/bitolanews.mk/wp-content/uploads/2022/12/peki-13.jpg?fit=1000%2C602&ssl=1)
ОУ “Св. Климент Охридски“ Битола со низа свечености го прослави патрониот празник (фотогалерија)
More from ВестиMore posts in Вести »
- Еурофарм Пелистер започна со победа во новата сезона
- Прв суперлигашки предизвик за браќата Илиевски, ќе го судат дербито Алкалоид-Вардар
- Пивски ден, пивска ноќ, во Битола на фестивалот “Бирарија“ за занаетчиско пиво (фотогалерија)
- Уште од 5 часот утринава големи гужви на граничниот премин “Меџитлија“ патни исправи се проверуваат во три колони
- Поема на Игор Трајковски Фоја од Битола наградена на престижниот настан Verbumlandiart – Regina Resta