-Во Старата чаршија, низ Широк Сокак и на најатрактивната локација, каде наскоро ќе започне “Зимска приказна“, кај Офицерскиот дом, Битола блесна во убавината на предновогодишната светлина. Поставено е “ѕвездено небо“ на пешачката улица покрај Драгор.
Општина Битола, изразува голема благодарност до јавните претпријатија, приватните фирми и поединци, а пред се до креативниот тим на советничката група „Поинаку“, кои дадоа свој придонес во креирањето на прекрасната новогодишна атмосфера на Битола.