Двајцата странци кои ги ангажира управата на кошаркарскиот клуб Пелистер, како засилувања за оваа сезона, пристигнаа во Битола и синоќа го одработија првиот тренинг заедно со екипата.
Се работи за двајца американски кошаркари со кои Пелистер потпиша договори, Тај Харис и Фил Рендолс, за разлика од четворицата кои ги имаше лани.
Од домашните засилувања потпишан е договор со крилниот центар Михајло Арсовски од Скопје, а можно е во Битола да дојде уште едно засилување.
Подготвителниот период до стартот на новата сезона кошаркарите ќе го поминат во Битола, а ќе одиграат и неколку пријателски натпревари.
