Битолскиот морокросист, Борче Костов – Жолтио е победник и на последната ендуро трка која се возеше на патеката “Стенковец“, а беше под покровителство на Град Скопје, во ендуро, во класата МХ3 – ветерани.
Ендуро трката беше во организација на мото клубот “Александар“ и мото клубот “Мотори” од Скопје, а под покровителство на Мотоциклистичката федерација на Македонија и Град Скопје.
За тоа како помина трката во класата ендуро на патеката кај Стенковец, Костов, кратко вели:
-Беше малку нервозно за мене бидејќи за прв пат се натпреварував со моторциклот по големиот ремонт, но веднаш по стартот се виде дека ремонтот е одлично направен и стигнав до првото место.
Викендов се вози уште една мото-трка, овој пат во мото-крос, а за очекувањата Костов вели:
-Утре е слободен ден и ќе тренирам бидејќи, како што реков поради ремонтот на моторциклот одложив некои тренинзи, но мислам дека во недела големиот пехар ќе биде кај мене во категоријата МХ3.
