Координативен состанок во пресрет на зимската туристичка сезона во хотел “Молика“

Во хотел “Молика“, по иницијатива на управителот на ЕСМ Молика ДООЕЛ Битола – Горан Исков, се одржа работен состанок со засегнатите страни во национален парк “Пелистер“ и ски-центарот “Копанки“ во пресрет на зимската туристичка сезона и нејзин успешен старт.Целта на оваа средба беше дискусија за добар старт на претстојната скијачка сезона.На средбата беа присутни и заменикот градоначалник на Општина Битола, директорите на сите јавни претпријатија, раководителот на Македонија пат, претставници на Национален парк Пелистер – Битола.На работниот состанок беа и претставници на зимски спортски клубови, претседател на велосипедска федерација на Македонија, Extreme Bike Club – Битола, Mountain Solution, ПСК Пелистер, ски-клуб Молика, Alpine Molika и претставници на други здруженија, се со цел успешна зимска сезона на ЕСМ Молика, ски-центарот Копанки, национален парк “Пелистер“, соопштија од ЕСМ Молика.