Денес на пладне во Битола во магазата беше одржан “Ротари отворен ден“ организиран од страна на Ротари Клуб Битола Широк Сокак во соработка со НУ Завод и музеј Битола под мотото ЗАЕДНО ВО БОРБА ПРОТИВ ПОЛИО “ TOGETHER WE END POLIO”.
Настанот Ротари Отворен ден – ЗАЕДНО ВО БОРБА ПРОТИВ ПОЛИО- , TOGETHER WE END POLIO”, беше организиран од страна на Ротари Клуб Битола Широк Сокак во соработка со НУ Завод и Музеј Битола по повод одбележување на меѓународниот ден на борба против полиото и јубилејот на НУ Завод и Музеј – “90 Години Музеј”.
Присутните имаа прилика да се запознаат со активностите на Ротари Клубот Битола Широк Сокак – кој е член на меѓународна организација ROTARY INTERNATIONAL, како и проектите кои ги имаат реализирано во нивното 15 годишно постоење.
Пред присутноте беше истакнато што значи ПОЛИО и што Ротари заедницата во светски рамки има направено за искоренување на оваа болест, а воедно беше одбележан и големиот јубилеј на Националната установа Завод и музеј – Битола – “90 години Музеј“ за што свое обраќање имаше и директорот Зоран Николовски.
Ротари клубот Битола Широк Сокак, секоја година традиционално организира настани по повод одбележувањето на 24-ти Октомври – Меѓународниот ден на борба против полиото (детската парализа). На овој начин овој клуб дава свој придонес за едукација на пошироката заедница за неопходноста од вакцинирање со сигурни и ефикасни вакцини, со цел спречување на заразување со Poliomyelitis, полиовирус, вирусот кој ги напаѓа децата на возраст под 5 години.
На настанот покрај присутните беа поканети и институции и доктори од нашиот град кои зеле учество во претходни настани на тема искоренување на детската парализа – полио, и на истите им беа доделени благоданици од страна на Ротари Клубот Битола Широк Сокак за нивото:
-Здравствен дом “Д-р Хаим Абраванел“ Битола – служба за превентивна здравствена заштита на доенче, мало дете и предучилишно дете.
-д-р Ирена Петровска- Блајбершник, д-р Хелга Павловска,
-Приватната болница “Плодност Битола“,
-Д-р Маргарита Камбовска,
-Прим. д-р Аница Апчевска Василева,
-Висока Медицинска Школа – Битола и директорката Тања Јовановска.
На присутните им се обратија директорот на НУ Завод и Музеј Битола, кој беше домаќин на овој настан и укажа на трите големи настани кои ќе го претстават јубилеjот – “90 години Музеј”.
Претседателот на Ротари Клуб Битола Широк Сокак за роатаријанската 2024-2025та година Димитар Велковски напомена дека: Како неполитичка организација, Ротари остануваат посветени да бидат вклучени во активности кои се неопходни и се со единствена цел, а тоа е да се заштити здравјето на децата насекаде!
Собраните донирани средства од овој настан, ќе бидат уплатени во Полио фондот на Ротари Интернационал.
