По 13 години повторно Битола беше домаќин на македонската ракометна селекција во официјалн ЕХФ натпревар, овој против селекцијата на Турција, која ја победи во првиот натпревар од квалификациите за Европското првенство.
И повторно салата “Боро Чурлевски“ беше исполнета, а публика не само на столчињата туку, како во старите добро времиња за ракометот во Битола имаше на скалите, по оградите, а имаше можеби илјада кои беа отповеќе на трибините.
Голем број на љубители на ракометот останаа пред салата иако имаа купено влезници, а РФМ им се извини, а РК Пелистер на сите ним ќе им ги врати парите.
Во салата имаше млади битолчани кои можеби и не биле на некои вакви натпревари во тогашната сала “Младост“, а тука беа и “ветераните“ од навивачката група “Чкембари“, Ефто, Ѕунзо, Диме Вф, Паљото, Цаличо, Ферџо… слика која ретко се гледа сега во салата.
На трибините беше градоначалничката со соработниците, а тука беа и политичари, бизнисмени, ракометни работници, спортски работници, поранешни спортисти, а тука беа и битолчаните кои секаде каде и да настапува репрезентацијата ја гледаат.
Овој пат во салата имаше и голем број деца и претставнички на поубавиот пол, а публиката ја забавуваа и танчерките на “Експоуз“ од Битола.
Низ фото галерија ви доловуваме само дел од атмосферата во салата “Боро Чурлевски“.
[ngg_images source=”galleries” container_ids=”218″ display_type=”photocrati-nextgen_basic_thumbnails” override_thumbnail_settings=”1″ thumbnail_width=”240″ thumbnail_height=”160″ thumbnail_crop=”0″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”filename” order_direction=”ASC” returns=”included” maximum_entity_count=”500″]
