Зголемена проодноста и безбедноста на патот до Чебрен

Градоначалникот на општина Новаци, Стевче Стевановски информира дека е оспособен патот до манастирот “Св. Димитриј“ во Чебрен.-Го оспособивме и уредивме патот низ непристапните предели на мариовскиот дел од нашата Општина, со што значително ја подобривме проодноста и безбедноста на теренот. Со оваа интервенција создадовме услови за полесен и побезбеден пристап на верниците, посетителите и љубителите на природата до манастирот „Св. Димитриј“ во Чебрен, соопшти Стевановски.