Значаен придонес на УКЛО Битола на рвиот Скопски безбедносен форум

Со заклучни согледувања, сумирани констатации и идни чекори  – успешно заврши првиот Скопски безбедносен форум (Skopje Security Forum 2026) на тема „Архитекти на стабилноста: Безбедносниот идентитет на Западен Балкан“.Овој значаен меѓународен настан организиран од Универзитетот „Св. Климент Охридски“ – Битола и Универзитетот во Тетово обедини врвни креатори на политики, академици, дипломати и безбедносни практичари од земјата и странство. Главниот заклучок од Форумот е дека безбедноста повеќе не е само воена категорија. Таа е рефлексија на институционалните капацитети, технолошката отпорност, владеењето на правото и едукацијата на младите. Изнесените клучни наоди, главните поенти и презентираните анализи и препораки ќе бидат објавени во официјален Зборник на трудови.Водечката улога на УКЛО при реализацијата на Форумот потврдена е со ангажманот и учеството на повеќе академски кадри од Универзитетот. Проректорот за наука, проф. д-р Горан Илиќ, ги истакна предизвиците за регионалната и европската безбедност во контекст на војната во Украина, хибридните закани и сајбер криминалот. Проф.д-р Жидас Даскаловски говореше за Западен Балкан како центар за идеи и стратегии и влијанието на големите сили врз регионалниот развој. Панелистот, проф. д-р Никола Дујовски ја истакна важноста од развојот на институционалните капацитети и демографските предизвици како клучен безбедносен фактор.Покрај претседателот на Организацискиот одбор на Форумот, проф. д-р Александар Иванов, зад беспрекорната организација и логистика на настанот меѓу најзаслужните се и деканот, проф. д-р Јонче Ивановски и проф. д-р Кире Бабаноски, во својство на секретар на одборот и модератор на еден од панелите, сите од Факултетот за безбедност – Скопје.Во оваа пригода, беше изразена благодарност до ректорот на УКЛО, проф. д-р Игор Неделковски, за неговата доверба и поддршка во градењето на оваа важна платформа. Воедно, особена благодарност е упатена и до проф. д-р Рената Петревска Нечкоска и нејзините напори за зајакнување на меѓународната соработка и европската интеграција преку европската универзитетска Алијанса КОЛОРС. Настанот е кофинансиран од Европската Унија и е поддржан од Алијансата  КОЛОРС, чија рамноправна членка е и УКЛО.Форумот се одржа на 15 јуни 2026 година, во салата Под купола во македонското Собрание.