Со јапонска донација реконструиран кровот на ОУ “Св. Климент Охридски“ во Битола

Во Основното општинско училиште „Св. Климент Охридски“ во Битола успешно е завршена реконструкцијата на дел од кровната конструкција, реализирана со финансиска поддршка од Амбасадата на Јапонија, во вкупна вредност од 80.314 евра.Со оваа значајна донација се унапредуваат условите за работа и престој во училиштето, се зголемува безбедноста и се создава поквалитетна и посигурна средина за одвивање на воспитно-образовниот процес.В.Д. директорката на училиштето, Катерина Наумовска истакна дека поддршката од Амбасадата на Јапонија, заедно со инвестициите што ги реализира Општина Битола, претставува значаен придонес во подобрувањето на училишната инфраструктура и создавањето подобри услови за учениците и вработените.На свеченоста по повод завршувањето на реконструкцијата присуствуваа Амбасадорката на Јапонија г-ѓа Сецуко Кавахара и заменик-градоначалничката на Општина Битола, Марина Крстиќ.Реализацијата на овој проект претставува уште еден чекор кон создавање побезбедни, посовремени и поквалитетни услови за образование на најмладите.