Љабуништа – Пелистер 0:0
Фудбалерите на Пелистер се враќат со голем бод од гостувањето кај второпласираниот на Втората фудбалска лига, Љабуништа, а одиграа нерешено без голови.
Овој натпреват беше во знак на хуманоста и со хумана порака од двата клуба да му се помогне на 22-годишниот Мартин Стојаноски, голманот на екипата на Љабуништа, кој треба да замине во Москва, на дополнително лекување по сообраќајната несреќа.
Натпреварот од 23 коло ВМФЛ-Запад можеше да има и друга завршница ако “пелистерци“ ја искористија шансата на почетокот на натпреварот. Натреварот помина без некои посериозни шанси за гол, па таке нерешено е и најреалниот резултат.
По 23 кола екипата на Струга ТМ е лидер на табелата со 49 бода, Лабуништа е второпласирана со 39, а Пелистер е на третото место со 34 бода, пет помалку од местото кое води во бараж.
До крајот на лигата има уште три кола.
