Она што го најави сопственикот на ФК Пелистер, за првата прозивка, дека нема дилеми за амбициите и дека единствен императив годинава е Првата лига го потврди со новото засилување, Иве Трифуновски.
Трифуновски е четвртото засилување во летниот преоден рок, а се работи за повратник во тимот по само една година, која тој ја помина во штипска Брегалница, а потпиша договор за една година.
Сега, Пелистер, со Љамчевски, Маневски, Главевски, Трифуновски, има прволигашки напад од кој се очекуваат многу голови.
Претходно му пристапија Мирко Симјановски од Вардар Неготино и Мики Јовановски од Лабуништа и Борче Маневски, а не е искучено уште некој фудбалер да му се приклучи на Пелистер.
“Пелистерци“ под водство на Дарко Крстески тренирата два пати дневно, а првата контрола е закажана на 27 јули, во Охрид против екипата на Кадино.
