На 6-ти септември, од 10:00 до 18:00 часот, пред Центарот за Култура во Битолам мејкери од целата земја ќе се соберат на вториот “Bitola Mini Maker Faire“!
“Maker Faire“ е уникатно искуство, собир на ентузијасти за технологија, изработувачи, едукатори, хобисти, инжинери, научни клубови, автори, уметници, ученици и останати изложувачи од сите возрасти.
Овој саем ги презентира мејкерите кои истражуваат нови форми и нови технологии, но исто така ги негува и иновацијата и експериментирањето низ целиот спектрум на науката, инжинерството, уметноста и рачните изработки.
“Maker Faire“ е собир на фасцинантни и љубопитни луѓе кои уживаат да учат нови нешта, но кои, исто така, сакаат да споделуваат и што знаат.
Затоа, бидете сигурни дека имате БЕСПЛАТЕН билет (https://www.eventbrite.com/e/bitola-mini-maker-faire-tickets-68773819345 ) за овој ден исполнет со иновации и со забава!Запознајте мејкери од технолошки, истражувачки и научни центри од земјава, како и индивидуалци со сопствени изуми и креации.
Во текот на целиот ден за време на “Bitola Mini Maker Faire“ ќе има многу креативни, практични работилници од познати ентузијасти за технологија, иноватори и претприемачи.
Ќе има и музика и забава.
Затоа, планирајте го вашиот ден, наминете и придружете се во откривање на нови светски трендови.
