Голем број верници, денес го исполнија Храмот Свети Великомаченик Димитриј во Битола, од каде со света литургија започна одбележувањето на Денот на Свети Нектариј Битолски, заштитник на Битола.
Според востановената традиција, низ повеќе битолски улици се одржа Литија.
-Патронот на Битола, Преподобниот Отец Нектариј Битолски, го празнуваме денес. Сите оние кои него го прославуваат, тој за нив се моли, го славиме Бога што го просветлил и во тој дух денеска се чувствува целата Битола, радосна духовно пред се, заради покровителот нејзин – Преподобниот отец наш, изјави митрополитот преспанско – пелагониски и администратор австралиско – новозеландски г. Петар.
