Најновата кадровска промена во Битола е во индустриската зона “Жабени“, каде за нов в.д. директор е назначен Александар Марковски, кој доаѓа на ова место од бизнис секторот, со мандат не подолг од шест месеци.
Новиот директор Марковски е дипломиран менаџер по царина и шпедиција, а во неговото си-ви е запишано дека бил вработен и во неколку деловни банки во одделите за бизнис кредитирање.
-За в.д директор на индустриската зона „Жабени“ сум назначен во средата, а денес го презедов раководењето во зоната во која има една компанија која активно работи, каде има и најави за нови инвестиции, а друга компанија е во завршна фаза на градба, ни рече Марковски.
Марковски како нов в.д. директор на Индустриската зона „Жабени“ доаѓа на местото на Сашо Илковски, кој беше досегашен директор.
