“Поинаку“ на поинаков начин потсетија на ветувањата за Детското на Пелистер на минатата и сегашната власт

Независната советничка група во Советот на Општина Битола, “Поинаку“, Габриела Илиевска и Иван Чулаковски и членовите на невладината организација, со поставување на деца насликани на хартија како симболика на некое минато време, потсетија за неисполнетите ветувања за Детското одморалиште на Пелистер на минатата и сегашната власт, а при тоа напишаа:-Понесени од тишината која веќе пет години доминира на местото каде поминаа генерации на деца и млади се одлучивме на мал чекор со една симболика преку цртежи од деца да потсетиме на децениите наназад кога секое лето и зима тука имаше деца од целата Македонија и Југославија во џагор преку забава и игра, се дружеја и ги запознаваа знаменитостите на Баба Планина во чист воздух и здрава животна средина.