Матурски концерт на Дамјана Апостоловска и Христина Трајковска (фотогалерија)

Во салата за свечености во Заводот и музеј во Битола синоќа во организација на Државното музичко училиште се одржа матурскиот концерт на Дамјана Апостоловска и Христина Трајковска од класите на професорките Марина Коруновска и м-р Маја Митровска.

Во преполната сала во Заводот и музеј солистката Дамјана Апостоловска исполни дела од Б. Марчело, П. Костиќ, Т. Прокопиев, А. Дворжак, Џ. Гершвин и Ф. Лехар.

Христина Трајковска исполни дела од А. Чести, Н.Р. Корсаков, С. Голабовски, Г. Доницети, Џ, Гершвин и Ж. Бизе.

Двете солистки најдоброто го оставија за крај, кога заедно ја исполнија “Дует на цвеќињата“ од Л. Делиб.
По завршувањето на концертот Дамјана и Христина им се заблагодарија на своите професорки за се она што тие ги направија за нив во исминатите четири години додека се школуваа во Државното средно училиште и дека без нивна помош немало да се случи ни нивниот матурски концерт.

Професорките Марија Коруновска и Маја Митровска со многу емиции го проследија матурскиот концерт на своите ученички, сега матирантки, и им порачаа без разлика како и каде ќе го продолжат своето образование и како ќе се одвива нивната музичка кариера, да останат она што се сега со големата човечност што ја имаат сега кога го завршуваат средното образование.

Бројната публика во која беа нивните соученици, роднини и пријатели уживаа во нивниот концерт кој траеше повеќе од еден час, за на крај да ги наградат со аплауз и секако со многу букети, за среќна матура и со желби за успешна кариера понатаму во жувотот.

Уметнички соработник во организацијата и одржувањето на концертот и воедно и пијано придружба на двете солистки беше професорката м-р Александра Јанковска.

Текст и фото: Сашо Ристевски
[ngg_images source=”galleries” container_ids=”129″ display_type=”photocrati-nextgen_basic_thumbnails” override_thumbnail_settings=”1″ thumbnail_width=”240″ thumbnail_height=”160″ thumbnail_crop=”0″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]