Битолски “лајонси-кабадаи“ на “Лајон Регата“ во Хрватска (фотогалерија)

Веќе традиционално, представници на Лајонс клубовите во Битола, “Лајонс клуб – Кабадаја“ , “Лајонс клуб – Хераклеја“ и “Лајонс клуб – Битола“, учествуваат на светски познатата “Лајон Регата“ во Муртер, Хрватска.И оваа година регатата е организирана од “Лајонс Дистрикт 126“ од Хрватска под мотото “Пловиме против дрогата“.Оваа година, на јубилејната 20-та по ред регата, учество зедоа рекодни 45 бродови, со нешто повеќе од 400 учесници од 47 “Лајонс клубови“ и 5 “Лео клубови“, од земји како Австрија, Албанија, Белгија, Франција, Јапонија, Русија, Либан, Италија…По бројност на земји и на лајонси, оваа година регатата е еден од најголемите меѓународни собири и Лајонс акции од хуманитарен карактер.