Претседателот на Советот на Општината Битола, Валентин Груевски за денес има закажано две седници на Советот, 23. и 24. седница, што за прв пат се случува во мандатот на овој Совет.
Седниците се закажани со почеток во 13.00 часот, ќе се одржи 23-рата седница, додека во 15.00 часот истиот ден ќе се одржи 24-тата седница на Советот на општината Битола
На дневниот ред кој е предложен за 23-та седница на Советот на Општината Битола ќе има 18 точки ќе се расправа и гласа е следниот:
- Квартален извештај за извршување на Буџетот на Општината Битола за третиот квартал од 2018 година.
- Програма за развојни планови на Општина Битола за периодот од 2019 до 2021 година.
- Програма за организирање и функционирање на зимската служба на подрачјето на Општина Битола за сезоната 2018/2019 година.
- Програма за дополнување на Програмата за изработка на урбанистички планови и урбанистичко планска документација на подрачјето на Општината Битола за 2018 година.
- Програма за измени и дополнување на Програмата за туризам за 2018 година.
- Програма за работа на Општинскиот совет за безбедност на сообраќајот на патиштата на Општина Битола за 2019 година.
- Одлука по Решение за запирање на објавување на Одлуката за измена и дополнување на Одлуката за извршување на Буџетот на Општината Битола за 2018 година.
- Одлука за формирање на тело за одлучување за распределба и трошење на финансиски средства кои се предвидени во Измените и дополнувањата на Буџетот на Општината Битола за 2018 година за преземање на мерки за заштита на животната средина и подобрување на амбиенталниот воздух на подрачјето на Општината Битола за надоместување на дел од трошоците на граѓаните за купување на системи и печки на пелети.
- Одлука за формирање на тело за одлучување за распределба и трошење на финансиски средства кои се предвидени во Измените и дополнувањата на Буџетот на Општината Битола за 2018 година за преземање на мерки за заштита на животната средина и подобрување на амбиенталниот воздух на подрачјето на Општината Битола за надоместување на дел од трошоците на граѓаните за купување на велосипеди.
- Одлука за ставање вон сила на одлуки за отпочнување постапка за пристапување кон изработка и донесување на детални урбанистички планови, одлука за утврдување на Нацрт УПВНМ, одлуки за прифаќање на иницијатива за изработка на УПВНМ и одлуки за утврдување на потреба од изработување на локална урбанистичка планска документација.
- Одлука за воспоставување на меѓуопштинска соиработка помеѓу општините Битола, Ресен, Демир Хисар, Могила и Новаци за учество во финансирањето на Регионалниот ресурсен центар за слепи лица и лица со оштетен вид за општините Битола, Ресен, Демир Хисар, Новаци и Могила-Битола.
- Одлука за отпочнување со работа и вршење на дејноста на Јавната општинска установа за деца – Детска градинка „Естреја Овадија-Мара“ во с. Кравари, Општина Битола, во новиот објект „Пролет 1“ лоциран на ул. „Спасе Ристевски“ бр. 2 А во с.Кравари, Општина Битола, во состав на Јавната општинска установа за деца – Детска градинка „Естреја Овадија-Мара“ во Општина Битола.
- Одлука за давање на користење, одржување и управување на објектот „Пролет 1“ во с. Кравари на Јавната општинска установа за деца – Детска градинка „Естреја Овадија-Мара“ во Општина Битола.
- Одлука за пренесување на правото на тековно одржување на уличното осветлување на подрачјето на Општина Битола за реоните Бистрица, Цапари и Кукуречани на ЈП „Комуналец“ Битола.
- Решение за давање согласност на Одлуката за утврдување на цените на услугите за поправка и монтажа на електричната мрежа за улично осветлување на територијата на поранешните општини Бистрица тер.2, Кукуречани тер. 3 и Цапари тер. 4.
- Решение за разрешување и именување на членови во Надзорниот одбор во ЈКП „Водовод“ Битола.
- Решение за разрешување и именување на членови во Надзорниот одбор во КЈП „Нискоградба“ Битола.
- Решение за разрешување и именување на членови во Уравниот одбор во Дом за стари лица „Сју Рајдер“ Битола.
За разлика од 23. седница на која има 18 точки на 24-та седница на Советот на Општината која е закажана со почеток во 15,oo часот, има предложено само една точка на дневниот ред:
-Одлука за измена и дополнување на Одлуката за извршување на Буџетот на Општината Битола за 2018 година.