Полициски службеници во Секторот за внатрешни работи Битола викендот извршиле контрола за зимска опрема, управување без возачка, нерегистрирани возила, непочитување првенство, исправност на возилата, товарни возила, појас, светло и алкохол, во сите полициски станици на 1.079 возачи и возила.
При контролата алкотестирани се вкупно 129 учесници во сообраќајот, при што кај 13 возачи откриено е присуство на алкохол и истите се исклучени од сообраќај. При контролата, констатирано е дека 20 возачи го управувале возилото со поголема максимална брзина од дозволената, 9 возачи управувале без возачка дозвола или со измината важност. Кај 2 возила е утврдена техничка неисправност, а на 10 возила утврдено е дека се нерегистрирани или се со измината важност сообраќајните дозволи.
9 возачи се писмено опоменати, а на 106 возачи изготвени им се мандатни платни налози и ќе се соочат со соодветни глоби, а исто така изготвени се и 35 прекршочни налози. Исто така при контролата откриени се и други 57 видови останати прекршоци.
На целото подрачје на Секторот за внатрешни работи Битола во текот на викендот има случено 6 сообраќајни незгоди во кои едно лице се здобило со телесни повреди ,а во другите шест причинета е само материјална штета.