Професорот Бакревски и учениците на Широк Сокак, го одбележаа Светскиот ден на музиката (фото)

Училишниот дувачки оркестар под менторство на проф. Марјан Бакревски го одбележа светскиот ден на музиката, на необичен начин со изведување на композиции на Широк Сокак, пред “Веро“ и пред конзулатот на Руската федерација на плоштадот “Магнолија“.Ваквиот начин на одбележување на светскиот ден на музиката наиде на многу позитивни коментари од битолчани, кои искажаа желба професорите и за други поводи да ги изнесуваат учениците да музицираат на отворено, а повозрасните се потсетија на времињата кога секоја недела и празник свиреше “блех“ оркестар и посакаа да се обнови таа традиција.Инаку, ова не  е прв пат учениците на проф. Марјан Бакревски да музицират на отворено, а претходно свиреа во градскиот парк на маратонот “Трчај бе“.