Викендовм поточно од 1.5 до 17. ноември се одржа четвртиот интернационален кикбокс турнир “Balkan best fighters“ во Ниш, Република Србија, каде што учествуваа 407 натпреварувачи во различни дисциплини и категории, со вкупно 650 учесници, официјални лица и спортски работници.
Кикбокс клубот Самурај од Битола се претстави со кикбоксерката Леа Бошевска во јуниорска конкуренција и го потврди успехот од минатата година.
Леа во финалната борба до -50 килограми дисциплина кик-лајт ја порази Марта Вучич од кикбокс блуб Раднички, Србија и се закити со златен медал.
-Не беше лесно да се дојде до победа над една искусна репрезентативка на Србија. Беше тешка и неизвесна борба до крајот на мечот, но мојата одлична подготвеност и концентрација во текот на сите рунди, како и желбата за победа исто како и лани, беа пресудни за победа и нов златен медал, рече по враќањето во Битола, Леа Бошевска. 
За техничката подготвеност, нејзините клубски тренери, Тони Бошевски и Гордана Цветковска Бошевска, велат:
-Подготовките за овај натпревар беа во континуитет подолг период не само пред натпореварот и затоа Леа дојде со златен медал. Таа покрај техничката подготвеност покажа и голема кондициска подготвеност која што уште повеќе доприносе за победата со резултат од 3:0 над искусната натпреварувачка од Србија.
С.Р.
