Во просториите на Македонците и деца бегалци од Егејскиот Дел на Македонија во Битола се одржа Семакедонска регионална конференција помеѓу Сојузот на Здруженијата на Македонците и деца бегалци од Егејскиот Дел на Македонија – МАКЕДОН и Македонска Алијанса за Европска Интеграција од Мала Преспа, Албанија.
Како претставник на Македонска Алијанса за Европска Интеграција Пратеникот беше претседател Васил Стерјовски, представник и борец за правата на Македонците во Мала Преспа, а присутен беше и Тодор Петров од Светскиот македонски конгрес.
Александар Јаневски, претседателот на Сојузот на здруженијата на Македонците и деца бегалци од Егејскиот дел на Македонија, каде се вклучени повеќе организации ја отвори конференцијата и се зборуваше за усогласување на програмите и програмските активности, продлабочување на соработката и зближување на Македонците од двете страни на границата, особено помеѓу младите, а се покрена и иницијатива за заедничко чествување и одбележување на поважни празници и настани.
-Оваа година за нас е многу важна бидејќи во Република Албанија ќе се врши попис на населението и во таа смисла очекуваме поддршка од сите македонски здруженија и државата, за да се намали засилениот притисок од бугарската пропаганда која настојува вештачки да прикаже постоење на бугарско малцинство. Во оваа наша борба очекуваме институционална поддршка и соработка меѓу двете соседни држави затоа што Република Албанија ги признава Македонците и македонското малцинство во делот на Преспа и Врник, но тоа треба да се прошири и во делот на Голо Брдо и Гора, односно на делот на целата територија на Република Албанија.За бугарската пропаганда во Мала Преспа, Стерјовски беше конкретен:
-Македонците во Мала Преспа се кажуваат Македонци не Бугари, но бугарската пропаганда ја користи сиромаштијата на Македонците. Како идеи за намемтнување на Бугарија се организирање на бесплатни екскурзии во Бугарија, а нема младинец кој не бил барем еднаш во Бугарија, им се нуди бесплатно образование, студирање и докторирање, се нудат пасоши со кои заминуваат на работа во државите низ Европа, а кога ќе го добијат пасошот само по неколку дена заминуваат во Англија или Германија.
На конференцијата беше присутен и Александар Стерјовски, првиот претседател на Здружението на децата бегалци од Битола, кој нагласи дека не го прифаќаат новото име на државата и дека ќе останат сите да идејата да се зачува името на Македонија, а заедно со Тодор Петров повикаа на семакедонско обединување на Македонските од Македонија и низ целиот свет.
