Еурофарм Пелистер вечерва ја објави можеби најголемата “трансфер бомба“ на Балканот, а нов ракометар на „фармацевтите“ е хрватот Стипе Мандалиниќ, некогашниот најдобар светски младинец, за кој беа заинтересирани најголемите балкански клубови.
Мандалиниќ, хрватскиот лев бек ќе биде замена за Владислав Остроушко, и ќе биде втор ракометар кој директно од Бундеслигата доаѓа во Битола и ќе ја комплетира хрватската колонија која ја сочинуваат Мараш, Кушан и тренерот Бабиќ.
https://www.facebook.com/rkeurofarmpelister/videos/2746680332121461/
По потпишувањето на договорот од Загреб, новиот лев бек на битолчани испрати видео-порака до новите фанови и вети освојување на трофеи, во која се вели: Добро вечер на сите фанови на Еурофарм Пелистер и на „Чкембарите“. Официјално преговорите се готови и јас сум нов член на Еурофарм Пелистер од Битола. Се гледаме наскоро и почнуваме со освојување на титулите.
Следна цел на управата на Еурофарм Пелистер е доведување на голман и замена за Никола Митревски, кој пред десетина дена обелодени дека го напушта матичниот клуб.
