Од утре на кафе и излет на чист воздух, во чајџилницата на “Стрежево“ во Нижеполе (фото)

Чајџилницата во рамките на ски центарот “Ниже Поле“ започнува со работа од утре, сабота, 30 мај 2020 година, а чајџилницата ќе работи секој ден. -Ве покануваме да уживате во пријатниот амбиент, чист воздух, сонце и во прекрасната и уникатна природа. Јавното претпријатие “Стрежево“  доследно ќе ги имплементира протоколите донесени од страна на Владата, со засилени санитарно-хигиенски мерки, ќе работи само отворениот дел од објектот, со задолжително почитување на Протоколот за отворање и работа на кафетерии и на Протоколот за отворање и работа на угостителските објекти за исхрана, утврдени од страна на Комисијата за заразни болести при Министерството за здравство, велат од ЈП “Стрежево“, кои упатуваат и апел:-Апелираме до граѓаните да се почитуваат мерките и препораките за превенција, мерките за држење на растојание, носење лична заштитна опрема и да нема групирање на граѓаните.