Според временската прогноза на Управата за хидрометеоролошки работи во следните денови ќе преовладува сончево и топло време со мала до умерена облачност, попладне со локален развој на нестабилна облачност проследена со краткотраен пороен дожд, грмежи и засилен ветер. Најсончево и најтопло со умерен до засилен северозападен ветер ќе биде во петок.
За денес, среда, 17 јуни, за Битола, метеоролозите на Управата за хидрометеоролошки работи предвидуваат променливо облачно со сончеви периоди и со слаб до умерен, со повремено засилен ветер од западен и северозападен правец. Околу пладне и попладне ќе биде нестабилно со локален пороен дожд, грмежи и засилување на ветерот. УВ=7. Температурите во Битола до 22°С.
За утре, четврток, 18 јуни, за Битола прогнизата на Управата за хидрометеоролошки работи е сончево со умерена облачност и со слаб до умерен северозападен ветер. Попладне на места ќе биде нестабилно со пороен дожд, грмежи и засилен ветер. УВ=7. Температурите во Битола до 24°С.
