ЈП “Стрежево“ со нова донација, овој пат за Клиничка болница во Битола

Јавното претпријатие “Стрежево” – Битола продолжува со донации пред новогодишните празници. “Стрежево“ оваа година ги пренамени финансиските средства предвидени за рекламен материјал во донации каде што е најнеопходно. Денес донираа медицинска заштитна опрема и флаширана вода за вработените во Клиничка болница “Д-рТрифун Пановски“ – Битола.-Лекарите и медицинските сестри деноноќно се грижат за пациентите со Ковид 19. Нивниот неуморен напор е извонредно достигнување што заслужува целосно почитување и поддршка. Донацијата се состои од заштитни ракавици, пакети со средства за дезинфекција и флаширана вода, согласно потребите на болницата. Се надеваме дека дополнително ќе придонесеме, во побезбедно и поефективно делување на медицинскиот персонал во Клиничка болница, рече при доделувањето на донацијата, директорот на “Стрежево“, Менде Граматковски, која додаде:-Здравствените работници кои работат во првите редови во борбата против пандемијата се изложени на многу различни ризици во однос на нивното здравје и безбедност. Нивната улога во справувањето со пандемијата е клучна, а секој поединец и колектив треба да даде придонес и поддршка на медицинскиот персонал во борбата со невидливиот непријател.